KIEV, 5 maj /ATSH-DPA/ – Presidenti ukrainas Volodymyr Zelensky nderoi ministren e Jashtme gjermane Annalena Baerbock me ”Urdhrin e Meritës” për mbështetjen e saj ndaj vendit të tij.
Me medalje ukrainase u nderuan edhe deputetët e parlamentit gjerman Marie-Agnes Strack-Zimmermann dhe Anton Hofreiter.
Në dekretin e lëshuar pak para vitit të ri, presidenti ukrainas nderoi 32 shtetas të huaj.
”Ata kishin dhënë kontribut të rëndësishëm personal për forcimin e bashkëpunimit ndërshtetëror dhe mbështetjen e sovranitetit shtetëror dhe integritetit territorial të Ukrainës”, theksoi Zelensky. /os/
