KIEV, 11 janar /ATSH-ANSA/ – Presidenti ukrainas Volodymyr Zelensky ka hedhur poshtë me vendosmëri idenë e një armëpushimi me Rusinë, duke thënë se ”nga kjo do të përfitonte vetëm Moska duke i dhënë asaj kohë për të rimbushur armët e saj”.
”Rusia ka një mungesë të madhe të dronëve, artilerisë dhe raketave, por Kremlini do të përdorë qetësinë në luftime për të rimbushur rezervat e armëve”, tha Zelensky gjatë një vizite në Estoni.
Zelensky tha se ”Moska aktualisht është e detyruar të grumbullojë armë nga Irani dhe Koreja e Veriut për t’i përdorur kundër Ukrainës”.
Një armëpushim do t’i jepte gjithashtu Rusisë mundësinë për të ripozicionuar dhe rigrupuar forcat e saj, duke i vendosur potencialisht trupat ukrainase në prapavijë në luftimet e ardhshme.
Një pezullim i armiqësive mund të përfundojë duke i lejuar forcat ruse të “na mposhtin – dhe ne nuk do ta marrim atë rrezik”, thekdoi Zelensky. /os/