KIEV, 6 nëntor /ATSH-DPA/ – Një ndihmës i komandantit të përgjithshëm ukrainas Valery Zaluzhny u vra kur një nga dhuratat e tij të ditëlindjes shpërtheu.
“Sot, ndihmësi dhe miku im i ngushtë vdiq në rrethana tragjike në ditëlindjen e tij në mesin e të afërmve të tij”, njoftoi Zaluzhny në Telegram të hënën.
Një “pajisje shpërthyese e panjohur” kishte shpërthyer në një nga dhuratat e ditëlindjes për majorin Gennadiy Chastyakov. Majori la pas gruan dhe katër fëmijë.
Një deklaratë e policisë kishte folur më parë për “trajtim të pakujdesshëm të municioneve”. Nuk ishte e qartë nëse ky ishte një aksident apo një sulm. Një nga djemtë e tij thuhet gjithashtu se është plagosur rëndë nga shpërthimi në rajonin e Kievit. /os/