KIEV, 3 korrik /ATSH-DPA/ – Trupat ruse arritën tw fitonin qytetin lindor të Ukrainës, Lysychansk, sipas burimeve ukrainase.
“Në rajonin e Donetskut, pushtuesit po përqendrohen në konsolidimin e pozicioneve të tyre në qytetet Lysychansk dhe Verkhnyokamyanka”, njoftoi shtabi i përgjithshëm ukrainas.
Guvernatori ushtarak ukrainas i rajonit të Luhanskut, Serhiy Hajdaj, konfirmoi në kanalin e tij Telegram se trupat ruse “kanë fituar një terren në rrethin Lysychansk”.
Është e paqartë nëse njësitë ukrainase mbeten në qytet.
Të shtunën, separatistët pro-rusë kishin njoftuar tashmë kapjen e Lysychansk, për të cilën Kievi u përgjigj se qyteti i rëndësishëm strategjik ishte ende nën kontrollin e tij.
Lysychansk ishte qyteti i fundit i madh i kontrolluar nga ukrainas në rajonin e Luhansk pas rënies së Severodonetsk. /os/
