KIEV, 30 mars /ATSH-DPA/ – Forcat ruse goditën gjatë natës infrastrukturën e rajonit qendror të Ukrainës, Poltava, njoftoi sot administrata ushtarake e Ukrainës.
Forcat ajrore ukrainase thanë se nëntë nga 12 dronët e dërguar nga rusët ishin kapur.
Përveç dronëve, forcat ruse lëshuan edhe katër raketa S-300 dhe S-400. Të dyja janë projektuar si raketa kundërajrore, por janë konvertuar për të goditur objektivat sipërfaqësore.
Fillimisht nuk u raportua asnjë i vrarë.
Gjatë muajve të dimrit, forcat ruse e përqendruan fokusin e tyre në sulmin ndaj infrastrukturës së energjisë dhe ngrohjes në Ukrainë, siç bënë vitin e kaluar.
Kharkivi afër kufirit rus në verilindje ka pësuar ndërprerje të vazhdueshme të energjisë elektrike.
Kompania shtetërore e energjisë “Centrenergo” njoftoi sot se një impiant energjetik dhe ngrohjeje ishte shkatërruar kryesisht nga një sulm më 22 mars. //a.i/