KIEV, 20 nëntor /ATSH – ANSA/ – Agjencia Ndërkombëtare e Energjisë Atomike (IAEA) ka raportuar “shpërthime të fuqishme” në zonën e centralit bërthamor të Ukrainës në Zaporizhzhia.
”Janë të paktën një duzinë shpërthimesh të fuqishme të regjistruara në zonën e Zaporizhzhia nga nata e kaluar dhe sot”, raportuan ekspertët e IAEA që ndodhen në centralin bërthamor të Ukrainës, për shkak të bombardimeve.
“Disa ndërtesa, sisteme dhe pajisje në vend janë dëmtuar, por asnjëra nuk është kritike për sigurinë bërthamore deri më tani,” shtojnë ata.
“Kushdo që qëndron pas duhet të ndalojë menjëherë. Ju po luani me zjarrin!”, theksoi drejtori i IAEA Rafael Grossi, në lidhje me shpërthimet në zonën e centralit bërthamor të Zaporizhzhia. /os/
