Kanë përfunduar edhe tre ndeshjet e mbetura të ditës së sotme në Kategorinë e Parë, që është një ekskluzivitet i Oversport dhe Tibo. Në ndeshjen e luajtur në Cërrik, Besa fiton me poker 4-2 përballë Turbinës ku shkëlqen sulmuesi Onuh. Ky i fundit realizon 3 herë për miqtë. Vendasit kundërpërgjigjen në pjesën e dytë me Laroshin dhe Murrjan, por rezultati final vuloset nga Kuka në frymën e fundit të takimit.
Kavajasit rikthehen tek fitorja pas 3 javësh në kampionat ku gjendet në vendin e shtatë, ndërsa thellohet kriza e Turbinës që ende nuk ka marrë fitoren e parë. Momentalisht gjenden në vendin e fundit në tabelë.
Ka përfunduar dhe ndeshja mes Besëlidhjes dhe Orikut. Vendasit fitojnë me një rezultat minimal 1-0 përballë miqve. Goli i vetëm u shënua nga Shehu në fundin e pjesës së parë. Besëlidhja dhe Oriku gjenden ngjitur në tabelë pas fitores së vendasve.
Ndeshja mes Luzit dhe Burrelit përfundon me shifrat 2-1 për vendasit. Një ndeshje interesante dhe e luftuar shumë nga të dyja ekipet. Për ekipin e Luzit shënon dy herë në pjesën e parë sulmuesi Çuçka kurse për miqtë ngushton diferencën nga pika e bardhë Stana. Nga ana tjetër në krizë Burreli që ndodhet në zonën e ftohtë të tabelës së klasifikimit, në vendin e 13-të. /oversport.tv
TURBINA – BESA 2-4
BESËLIDHJA – ORIKU 1-0
LUZI 2008 – BURRELI 2-1
