Për Marcos Alonson duket se është një sezon ters. Mbrojtësi spanjoll i Barcelonës deri më tani ka luajtur në vetëm shtatë ndeshje në kampionat dhe Champions League dhe nuk ka arritur të japë kontributin e dëshiruar për “blaugranat”.
Arsyeja është një problem që e ka prekur prej disa kohësh: dhimbja e mesit. Ditën e sotme, klubi katalanas bëri të ditur se ish-lojtari i Chelsea-t do të duhet t’u nënshtrohet trajtimeve specifike dhe se gjendja e tij do të vlerësohet dita-ditës.
Me shumë mundësi, ai do të shihet sërish në fushë në vitin 2024, edhe pse nuk është e qartë se sa kohë do të mbetet jashtë.
Top Channel
