Deputetja e PD-së, Jorida Tabaku nga foltorja e Kuvendit ‘thumboi’ kryeparlamentaren Lindita Nikolla, e cila në një studio televizive tha pak ditë më parë se do jetë avokate e opozitës. Tabaku i përmendi deklaratën e saj duke i thënë se nuk i bën nder që të dalë në ekrane dhe të qurravitet, por të tregojë nderin që do t’i bëjë opozitës në Kuvend.
“Do jem avokate e opozitës që të dëgjohet në parlament. Parlamentin ta kthejmë një pasuri për publikun.”-është shprehur në një intervistë ditë më parë kryetarja e Kuvendit.
Debati:
Nikolla: Zonja Tabaku jeni për procedurë?
Tabaku: Po, si Ahmetaj.
Nikolla: Ahmetaj nuk ishte për procedurë, ministrat sa herë e kërkojnë fjalën e marrin.
Tabaku: Nuk ju bën nder të dilni të qurraviteni në ekranet e TV se çfarë do të bëni për opozitën, nder do bëni këtu se çfarë do bëni për opozitën. Jam grua, kryetare komisioni, është hera e tretë që e bëni këtë, më lejoni të flas. Dëgjuam të pavërteta dhe shtrembërime por jo që shqiptarët u hoqën nga puna. Në 9 mars qeveria u zhduk për katër javë, i lanë në mëshirë dhe rrinë këtu krenohen se dhanë tre paga dhe rënia ekonomike u ul. Fondi i garancisë iu dha konçensionarëve, ia dhatë atij që ka vënë traun, ndërkohë që sot buxheti nuk është në shërbim as të qytetarëve. Varfëria ka qenë 36% përpara krizës, janë fakte të prodhuara nga ju, besoj i lexoni që të gjithë. Bujqësia ka rënie të prodhimit. 120 milionë të tjera u dhanë për rindërtimin, rritja artificiale janë vetëm pagesat që u dhanë ditën e zgjedhjeve. Ka një rritje të çmimeve me 30% dhe del ministri që thotë që shumë mirë bënë që nuk morën gjobë kompanitë, mbron biznesin dhe jo qytetarët.
