Bëhet e ditur se 762 kolonë hebrenj fanatikë bastisën Xhaminë Al-Aksa në Jerusalemin Lindor të pushtuar nën mbrojtjen e policisë izraelite.
Administrata e Fondacioneve Islamike të Jerusalemit lëshoi një deklaratë me shkrim në lidhje me incidentin.
Në deklaratë thuhet se 762 hebrenj fanatikë të shoqëruar nga policia izraelite bastisën Xhaminë Al-Aksa.
Sipas shifrave të publikuara nga administrata në fjalë, numri i hebrenjve fanatikë që kanë bastisur Kompleksin Al-Aksa në 5 ditët e fundit që nga e diela për Pashkën ka arritur në 3.670.
Pas namazit të sabahut, policia izraelite bastisi xhaminë për të nxjerrë myslimanët brenda dhe ndërhyri ndaj disa palestinezëve në zonë me plumba gome dhe bomba zhurmues.
Pas largimit të shumicës dërrmuese të myslimanëve nga Kompleksi Al-Aksa, policia izraelite lejoi hyrjen e dhjetëra grupeve fanatike hebreje në kompleks nën masa të gjera sigurie.
Një grup palestinezësh u strehuan në Xhaminë e Kiblesë në Aksa dhe mbyllën dyert. Gjatë bastisjes nga kolonët, grupi reagoi duke bërë tekbir dhe duke brohoritur parulla për Aksan.
Policia izraelite arrestoi shtatë palestinezë të dyshuar për “hedhjen e koktejeve të molotovit” pasi u larguan nga xhamia Al-Aksa në mëngjes.
Udhëheqësi i Hamasit, Ismail Haniyeh, bëri një deklaratë në lidhje me shtimin e kohëve të fundit të bastisjeve në Al-Aksa nga hebrenj fanatikë të shoqëruar nga policia izraelite.
“I them pushtuesit izraelit: nëse besoni se bastisjet në Kompleksin Al-Aksa do të ndryshojnë karakterin islam të kësaj xhamie, gaboheni”, tha ai.
Ndërkohë, Izraeli nuk do të lejojë kolonët fanatikë hebrenj të hyjnë në Aksa nga nesër deri në ditën e fundit të Bajramit të Ramazanit (4 maj), njoftoi Transmetuesi Publik izraelit (KAN).
Kolonët hebrenj fanatikë i shtuan bastisjet e tyre në Kompleksin Al-Aksa gjatë Pashkës njëjavore, e cila filloi më 15 prill.
