Aktualisht luan në Katar, por përvoja e gjatë e Javi Martinez me Bayern Munich e lejoi atë të drejtohej nga Carlo Ancelotti dhe Pep Guardiola. Një mundësi jo për të gjithë. Mesfushori i intervistuar nga “La Gazzetta dello Sport”, ka folur për dy trajnerët që do të drejtojnë sot dy ekipet në gjysmëfinalen e Champions League.
“Për mua ata janë dy përfaqësuesit më të mëdhenj të brezave të tyre të trajnerëve. Carlo nga ‘shkolla e vjetër’ dhe Pep nga të rinjtë. Nga kolegët e Ancelottit nuk ka më njeri në futboll, ndërsa Guardiola është më i miri i kësaj vale të madhe që përfshin Luis Enrique, Tuchel, Pochettino e Klopp. Janë njerëz që kanë ndryshuar rrënjësisht futbollin dhe që vazhdojnë ta bëjnë këtë. Janë trajnerë shumë të ndryshëm nga Ancelotti”.
“Carlo nuk dorëzohet, ai është i fundit i Mohikanëve. Fakti që sot ai është ende atje për të luftuar për objektiva të mëdhenj dhe për të konkurruar kundër këtij brezi të ri teknikësh, e ngre atë në Olimpin e historisë së futbollit, që tregon se sa i shkëlqyer është dhe sa mirë punon.
Kur më pyesin se kush është më i miri në botë, them gjithmonë të njëjtën gjë: për njohjen e futbollit, Pep. Por për një lojtar është e rëndësishme që një trajner të dijë të nxjerrë më të mirën e tij, dhe unë kurrë nuk jam ndjerë më mirë se me Carlon. Jo vetëm nga pikëpamja futbollistike, por edhe personalisht. Unë mendoj se në këtë çështje Carlo është më i miri nga të gjithë”.
Me Carlon krijova një marrëdhënie tjetër. Ai është si baba, shqetësohet shumë, është një person aq i mirë sa e tregon veten ashtu siç është. Pep është më i ngurtë, dhe ai insiston për të të përmirësuar më shumë me video dhe analitikë.
Por duhet thënë se në fund në një ekip duhen disa rregulla dhe disiplinë. Le të themi se me Pepin kishte më shumë kontroll sesa me Carlon, asgjë e ekzagjeruar, por binte në sy”. /oversport.tv
Foto: Qatar Sports Club, Facebook
