Jasir Asani është gati për një aventurë të re futbollistike pas asaj që kaloi së fundmi me Kisvarda. Ish-sulmuesi i Partizanit i cili kaloi 1 sezon e gjysmë në klubin hungarez, do të transferohet në Azinë e largët.
Kisvarda ka njoftuar se Jasir Asani nuk do të jetë më pjesë e klubit dhe se ky i fundit do të shitet përfundimisht. 27-vjeçari do ta vazhdojë karrierën e tij si futbollist, për herë të parë në Korenë e Jugut tek ekipi i Gangwon. Këta të fundit e mbyllën sezonin e tyre për vitin 2022 në vendin e gjashtë të kampionatit Korean.
Asani arriti të fitonte titullin kampion me Partizanin në sezonin 2018/19, dhe tregoi se ishte një nga faktorët kryesorë të triumfit. Më parë sulmuesi ka luajtur dhe për AIK, Vardar dhe Shkupin. /oversport.tv
Foto: Kisvárda FC, Facebook
