Mesfushori i Barcelonës, Ilkay Gundogan, ka pranuar se skuadra e tij do të përballet me një betejë të vështirë në kërkim të lavdisë së Ligës së Kampionëve.
Barcelona ka pasur vështirësi gjatë sezonit në Ligën e Kampionëve deri më tani. Blaugranët kishin nevojë për një fitore në xhiron e fundit të fazës së grupeve për të kaluar në 16-shen e fundit, përcjell GazetaBlic Sport.
Në një intervistë me gazetën spanjolle La Vanguardia, Gundogan pranoi se shanset e Blaugranave për sukses në Ligën e Kampionëve janë të pakta: “Ka ekipe të tjera në garë me më shumë shanse dhe përvojë më të mirë, por nëse arrijmë në çerekfinale, unë jam realist, por gjithashtu e di që është e vështirë për të gjithë.”
Gundogan zbuloi gjithashtu se ai nuk priste që Xavi të largohej: “Isha i befasuar nga vendimi i Xavi për të dhënë dorëheqjen, nuk e prisja. Do të doja të kisha bërë më shumë për të. E kam atë ndjenjë.”
/GazetaBlic Sport