TEL AVIV, 3 mars /ATSH-ANSA/- Kryeministri izraelit Benyamin Netanyahu ka udhëzuar ambasadën izraelite në Uashington që të mos ndihmojë ministrin Benny Gantz, anëtar i kabinetit të luftës të Izraelit.
Gantz u nis mbrëmë në Shtetet e Bashkuara të Amerikës, ku pritet të takohet me zëvendës-presidenten Kamala Harris, këshilltarin e sigurisë kombëtare, Jake Sullivan dhe anëtarë të Kongresit, demokratë dhe republikanë.
Netanyahu e konsideroi të papërshtatshme misionin e Gantz për të zhvilluar një vizitë në SHBA, pa u konsultuar paraprakisht me të.
Ambasadori izraelit në SHBA, Mike Herzog për këtë arsye nuk do të marrë pjesë në ato takime.
Kreu i partisë centriste ‘Uniteti Kombëtar’ dhe ish-ministri i Mbrojtjes, Gantz shpjegoi se qëllimi i tij është të forcojë lidhjet strategjike me SHBA-në.
Gjithashtu, në axhendën e tij është çështja e lirimit të pengjeve në Gaza dhe një marrëveshje politike me Libanin që do të largonte kërcënimin e Hezbollahut përgjatë kufirit me Izraelin.
Pas kthimit në Izrael, Gantz do të ndërmarrë gjithashtu një mision të shkurtër diplomatik në Londër. //a.i/
