ISLAMABAD, 10 mars /ATSH-AA/ – Ligjvënësit pakistanezë zgjodhën sot Asif Ali Zardarin, bashkëkryetar i Partisë Popullore të Pakistanit (PPP) të qendrës së majtë, si presidentin e 14-të të vendit.
Zardari, 68 vjeç, i veu i dy-herë-kryeministres Benazir Bhutto dhe kandidat i koalicionit qeverisës, mundi Mahmood Khan Achakzain, politikan veteran nga provinca jugperëndimore e Balochistanit dhe kandidat i Këshillit Sunit Ittehad të opozitës, një grup fetar politik dhe qendër e re për ligjvënësit që i përkasin partisë ish-kryeministrit të burgosur Imran Khan Pakistan Tehreek-e-Insaf (PTI).
Disa parti të vogla politike, si Jamiat Ulema-e-Islam Fazal (JUI-F) dhe Jamaat-e-Islami, bojkotuan zgjedhjet dhe asnjë deputet nga këto parti nuk hodhi votat e tyre.
Votimi filloi në orën 10:00 me kohën lokale (0500 GMT) në ndërtesën e Asamblesë Kombëtare në Islamabad dhe katër kryeqytetet e provincave dhe vazhdoi deri në orën 16:00 (1100 GMT).
Zardari është politikani i vetëm i zgjedhur në detyrën më të lartë kushtetuese të vendit, por simbolike, për një mandat të dytë.
Ai ka shërbyer më parë si president në periudhën 2008-2013 gjatë qeverisjes së partisë së tij. /os/
