TEHERAN, 3 janar /ATSH-ANSA-DPA/ – Të paktën 53 persona kanë humbur jetën për shkak të dy shpërthimeve pranë varrezave të Kermanit, në Iranin Qendror, ku ndodheshin mijëra persona, të cilët po përkujtonin trevjetorin e vdekjes së gjeneralit të fuqishëm iranian Qassem Soleimani.
Nga media iraniane pati raportime edhe për një shpërthim të dytë.
Zëvendësguvernatori i Kermanit e konsideroi një sulm terrorist.
Kerman ishte shtëpia e Soleimani, ish-komandantit të njësive të huaja të Korpusit të Gardës Revolucionare Islamike (IRGC).
SHBA e vrau atë në një sulm me dron në Irak më 3 janar 2020.
Soleimani nderohet si martir nga mbështetësit e qeverisë.
Të mërkurën, turma njerëzish bënë gjithashtu një pelegrinazh nëpër rrugët e Kermanit, në varrin e Soleimanit.
Në një klip të transmetuar drejtpërdrejt në televizionin shtetëror, dëgjoheshin një zhurmë dhe britma.
Shkaku i saktë i shpërthimit është ende i paqartë./ a.jor