Shumë reagime u shkaktuan në Indi nga lëvizja e modeles 32-vjeçare Poonam Pandey për të njoftuar, nëpërmjet kolegëve të saj, vdekjen e saj, në mënyrë që, siç shpjegoi ajo në një video që postoi, të hapte diskutimin për kancerin e mitrës.
Pandey, e cila është gjithashtu një aktore, deklaroi se ishte krenare “për atë që arriti vdekja e saj”. Teatri i 32-vjeçares nisi me një postim të kolegëve të saj në Instagram, të cilët u njoftuan 1.3 milionë ndjekësve se “Ky mëngjes është i vështirë për ne. Me pikëllim të madh ju njoftojmë se kemi humbur Poonam-in tonë të dashur për shkak të kancerit të mitrës.”
Në deklaratat e tyre, të ndjekura nga kolegët e 32-vjeçares, ata thanë se “ajo e luftoi me guxim sëmundjen por fatkeqësisht ajo mori fund”. “Forca që ajo tregoi në këtë luftë ishte vërtet e pabesueshme,” tha menaxheri i saj, Nikita Sharma, duke shtuar se “ekziston një nevojë urgjente për ndërgjegjësim dhe masa parandaluese për sëmundje si kanceri i mitrës”. Disa orë më vonë dhe pas mesazheve ngushëlluese nga kolegët dhe fansat e thjeshtë në rrjetet sociale, 32-vjeçarja u shfaq me një sërë videosh në Instagram për të thënë se është gjallë dhe për të shpjeguar lëvizjen e saj.
“Po, unë inskenova vdekjen time. Është ekstreme e di. Por befas ne të gjithë po flasim për kancerin e mitrës, apo jo? Jam krenare për atë që ka arritur lajmi i vdekjes sime. Ndryshe nga format e tjera të kancerit, kanceri i mitrës mund të parandalohet. Çelësi është te vaksina HPV dhe testet e hershme diagnostikuese”, tha ndër të tjera indiania 32-vjeçare./bw
360grade.al
