Olivie Zhiru vazhdon të jetë një nga lojtarët më të rëndësishëm të Milanit, edhe pse në moshën 37-vjeçare. Sulmuesi francez gjithashtu është një nga të preferuarit e Didie Deshamp te Franca, i cili është gati për Europianin e Gjermanisë.
Pas shortit të hedhur ditën e djeshme në Hamburg, ku “Gjelat” mësuan se kundërshtarët e tyre në Grupin D do të jenë Austria, Holanda dhe fituesi i “Play-Off A”, Zhiru lëshoi deklaratën e bujshme, duke thënë se në verë mund të tërhiqet nga futbolli i luajtur.
“Europiani më mungon, nëse e fitojmë atëherë do të tërhiqem. Kjo mund të jetë opsion edhe nëse nuk e fitojmë Europianin. Dua të përfitoj nga çdo minutë që kam në dispozicion. Në të kaluarën i thashë shokëve që do tërhiqesha nëse fitonim Botërorin, por nuk ndodhi kështu. Kam ende shumë ambicie”, tha 37-vjeçari.
Përveç Kupës së Botës në 2017, Zhiru ka fituar thuajse dhe çdo trofe tjetër si: Liga e Kampionëve, Liga e Europës, Seria A, Ligue 1, Kupa FA etj. ai gjithashtu është edhe golashënuesi më i mirë në historinë e Francës.
PANORAMASPORT.AL
