Ish-kryeministri Avdullah Hoti ka thënë se Hekuran Murati është ministri më katastrofal i financave që e ka pasur Kosova në 20 vjet e fundit.
Hoti, aktualisht deputet i LDK-së, i cili ka mbajtur dhe postin e ministrit të Financave, ka thënë në T7 se Murati u ka bërë dëme të mëdha financave publike.
“Sa i përket politikës është ministri më katastrofal që ka pasur Kosova, ministër të Financave, tash e 20 vjet. Dëmet më të mëdha që ia ka bërë vendit najherë dikush në financat publike është ky”.
Por, sipas Hotit, hiq më të mirë nuk janë as ministrat e tjerë, dhe shefi i tyre. “Është komplet kjo qeveri që ka këtë qasje”.
Hoti foli edhe për kryeministrin Kurti, duke thënë se është shumë i papërgjegjshëm sa i përket financave publike.
“Sepse kryeministri atë që thash ma herët, duke shku nëpër mbledhjet e qeverise, aq i papërgjegjshëm është në financa publike, sikur kujton që ato mjete janë para private të tij dhe bën video nga vetura duke shku në mbledhje të qeverisë e duke thënë: do t’ju ndajmë nga 100 euro pensionistëve e studentëve, ndërkohë që inflacioni ka bërë gërdinë në ekonomi”.
