Pep Guardiola thotë se fitorja sot në raundin e 1/8-ave të Kupës FA do ta përgatiste në mënyrën më të mirë Mançester Sitin në procesin e asaj që trajneri mendon se është pjesa më e këndshme e sezonit.
Transferta e vështirë e së martës mbrëma në “Kenilworth Road” do të përfundojë një muaj shkurt të lodhshëm që e ka parë që Sitin të luajë shtatë ndeshje në tri kompeticione të ndryshme. Pavarësisht nga ajo seri e pamëshirshme ndeshjesh, Siti ka fituar çdo ndeshje dhe ka regjistruar një barazim gjatë këtij muaji dhe mbetet në kërkim të mbrojtjes së titullit të Premier Ligës së bashku me trofetë e Ligës së Kampioneve dhe Kupës FA, të cilat ata i fituan gjithashtu sezonin e kaluar gjatë tripletës historike.
Dhe duke iu drejtuar mediave përpara vizitës në “Kenilworth Road”, tekniku katalanas nuk mund të fshihte emocionin se tani po hyjmë në fazën më të bukur të sezonit. “Pas ndeshjes me Lutonin, shkurti mund të quhet i përfunduar dhe ka vetëm tre muaj deri në fund të sezonit. Dhe ne mbërrijmë këtu duke qenë ende në garë”, tha shefi i “qytetarëve”.
“Nesër (sot) është një finale siç është Premier Liga në çdo ndeshje dhe, sigurisht edhe në Ligën e Kampioneve, kështu që periudha vendimtare e sezonit është këtu para nesh. Nuk është shumë larg para nesh dhe ne mezi po e presim. Është një test i mirë për të parë se si ritmi ynë dhe qëndrueshmëria jonë mendore do të shkojnë muajin e ardhshëm dhe të gjithë e dinë se për çfarë do të luajmë.
A është pjesa më e këndshme e sezonit? Po. Është më mirë të luash për këtë sesa të jesh i 10-ti në tabelë. Nëse humbisni, mirupafshim. Është shumë bukur. Sepse në tetor apo shtator, pritshmëritë janë shumë larg dhe në atë moment nuk mendoni për trofetë. Do të shohim në fund të marsit dhe fillim të prillit, varet nga ajo që kemi bërë këtë muaj dhe do të bëjmë në tjetrin.
Unë e kam thënë shumë herë se adhuroj të mbroj lojtarët e mi për atë që kanë bërë. Unë e di sa e vështirë është. Ne kemi ende përulësinë dhe jemi modestë dhe kemi konkurrencën për ta bërë atë përsëri”, tha Guardiola.
PANORAMASPORT.AL
