Manchester City ishte autor i një sezoni në kufijt e perfektes teksa The Citizens e mbyllën atë me “tripletën” e famshme të trofeve (Premier League, FA Cup dhe Champions League), ku të besuarit e trajnerit Pep Guardiola nuk ia dolën vetëm në Kupën e Ligës.
Megjithatë, tashmë City është në histori, ku sigurisht puna gjatë një sezoni për të kryer të tilla arritje është e jashtëzakonshme. Tekniku Guardiola ka një staf të gjerë që mendon edhe detajet më të vogla, edhe pse herë pas herë spanjolli humbet element të rëndësishëm në “formacionin” e tij, siç ishte rasti i Mikel Artetës që tashmë është në krye të Arsenal.
Kështu, sezonin e ardhshëm, pritet që Guardiola të mos ketë më në krah edhe Enzo Marescan. Italiani është pjesë e stafit të Guardiolës prej vitit 2022, megjithatë sipas asaj që raporton “The Athletic” duket gati për të nisur një aventurë të re, larg Cityt.
Emri i 43-vjeçarit është lakuar te Leicester si një nga opsionet e mundshme për të marrë drejtimin e “Dhelprave”. Leicester nuk mbijetoi në elitë këtë sezon dhe Marescës mund t’i besohet projekti i ri për të ringjitur skuadrën në Premier League. Në të kaluarën Maresca ka vetëm një eksperiencë si trajner i parë teksa drejtoi Parmën në vitin 2021, por pa lënë shumë gjurmë me aventurën që nuk zgjati më shumë se gjashtë muaj.
Top Channel
//Google Analytics window.dataLayer = window.dataLayer || [];
function gtag() { dataLayer.push(arguments); } gtag('js', new Date());
gtag('config', 'UA-7855069-1');
//Facebook window.fbAsyncInit = function() { FB.init({ appId: '1715618661991455', xfbml: true, version: 'v2.10' }); FB.AppEvents.logPageView(); };
(function(d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
