ATHINË, 16 shkurt /ATSH-ANA/ – Një projektligj që lejon çiftet e së njëjtës gjini të martohen në një ceremoni civile, u votua dje në mbrëmje vonë në parlamentin grek, me votim nominal.
Nga 254 deputetë, 176 votuan pro, 76 kundër dhe dy u deklaruan ”të pranishëm”.
Projektligji i diskutueshëm “Barazia në martesën civile, ndryshimi i Kodit Civil dhe dispozita të tjera” u hodh edhe për konsultim publik përpara se të votohej në parlament.
Greqia bëhet vendi i 37-të në botë që njeh barazinë në martesë duke kaluar në ndryshimin e nenit 1350 të Kodit Civil për të futur rregullin që martesa lidhet midis dy personave të së njëjtës gjini ose të ndryshme.
Ligji i ri do të lejojë gjithashtu që fëmijët e prindërve të të njëjtës gjini të njihen zyrtarisht në Greqi./ a.jor.