Granada, skuadra spanjolle në të cilën militon edhe sulmuesi shqiptar Myrto Uzuni, ka zgjedhur trajnerin e ri, pas shkarkimit të Robert Moreno.
Një emër i njohur si Aitor Karanka do të drejtojë skuadrën në javët e mbetura të LaLigas, duke synuar mbijetesën mes më të mirave të Spanjës.
Karanka ka qenë një lojtar i njohur i Realit të Madridit dhe Athletic Club, ndërsa si trajner ka pasur disa eksperienca të suksesshme në Angli me Birmingham , Nottingham Forest dhe Middlesbrough. Në sezonet 2010-2013 ai ka qenë zëvendës-trajner i Realit të Madridit.
Kur kanë mbetur edhe 6 javë nga përfundimi i kampionatit, Granada e sheh veten në zonën e ftohtë që të zbret në kategorinë inferiore. Karanka do të debutojë nesër në stolin e Granadës në sfidën e “Wanda Metropolitano” kundër Atletico Madrid. / Oversport.tv
Welcome @Karanka! 🔴⚪️#EternalFight pic.twitter.com/lJC9I9n59s
— Granada CF 🇺🇸🇬🇧 (@GranadaCF_en) April 18, 2022