Paris Saint-Germain bind në përballjen ndaj Monaco, me të dyja skuadrat që dhuruan spektakël golash.
Takimi hapës i javës së 13-të të Ligue 1 u mbyll me rezultatin 5:2, ndërsa kjo ndeshje rezultoi shumë e luftuar.
Sfida mund të ishte zhbllokuar që në minutën e 14’ me Vanderson, por goli i miqve u anulua për pozicion të parregullt, pas verifikimit në VAR.
Megjithatë vetëm katër minuta më pas, portierit Kohn i shpëton topi nga duart dhe Ramos e shfrytëzon mirë mundësinë, duke realizuar dhe duke u dhënë avantazhin vendasve.
Ndërkohë, në minutën e 22’ pas një gafe nga Donnarumma, Minamino gjen rrugën drejt rrjetës dhe barazon.
Megjithatë, Dembele fiton penallti, e cila ekzekutohet nga Mbappe në minutën e 39’ duke rikthyer PSG-në në avantazh dhe duke bërë që fraksioni hapës të mbyllej me rezultatin 2-1.
Ndërsa në minutën e 70’ Fabian Ruiz jep një super pasim dhe Dembele befason me një goditje në dukje të pamundur, duke gjetur golin e parë me PSG-në, njëkohësisht duke thelluar avantazhin e skuadrës së tij.
Parizienët nuk u ndalë me aq, pasi në minutën e 72’ Vitinha realizoi golin e katërt për skuadrën e tij.
Monaco provoi të reagonte dhe në minutën e 75’ Balogun realizoi golin e dytë për ekipin e tij.
Gjithçka u vulos në minutën 90+6’, me Kolo Muani që shënoi golin e pestë për Paris Saint-Germain.
5:2 dhe PSG vazhdon të kryesojë Ligue 1 e sigurt, me 30 pikë, teksa Monaco qëndron në vend të tretë me 24 pikë, duke bërë një hap fals drejt rrugës së kreut.
