Lajme të këqija për Napolin dhe trajnerin Luciano Spalletti në prag të sfidës përballë Atalantës. Sulmuesi gjeorgjian Kvaratskhelia nuk do të jetë nën urdhrat e trajnerit për sfidën e nesërme.
21-vjeçari ka pasur një dhimbje akute të mesit dhe kjo e ka detyruar të qëndrojë jashtë. Nisur nga rëndësia e lojtarit kjo është një goditje e rëndë për Spallettin në prag të ndeshjes me rivalin kryesor në tabelë.
Kvara i bashkohet infermierisë së Napolit aty ku ndodhet dhe kosovari, Amir Rrahmani. Në këtë pikë, Spalletti duhet të rishikojë zgjedhjet e tij në treshen e sulmit që do të dërgojë në fushë nesër në mbrëmje. /oversport.tv
