GJENEVË, 16 shkurt /ATSH-DPA/- Komisioneri i OKB-së për të Drejtat e Njeriut, Volker Türk i ka kërkuar Moskës të lirojë të gjithë të burgosurit e mbajtur në lidhje me ushtrimin legjitim të të drejtave të tyre, pas vdekjes në burg të Alexei Navalny.
“Ne u bëjmë thirrje autoriteteve ruse që t’i japin fund persekutimit të politikanëve, mbrojtësve të të drejtave të njeriut dhe gazetarëve, ndër të tjera”, tha sot komisioneri i Lartë i Kombeve të Bashkuara për të Drejtat e Njeriut, Türk në Gjenevë.
Ai tha se ishte i tmerruar nga lajmi se Navalny kishte vdekur në burg.
“Shteti ka një detyrë të shtuar për të mbrojtur të burgosurit”, tha ai, duke bërë thirrje për një hetim të paanshëm, të plotë dhe transparent nga një organ i pavarur.//a.i/
