Deputetja e Partisë Demokratike të Kosovës, Ganimete Musliu e ka komentuar deklaratën e deputetit të VV-së, Dimal Basha që e quajti kryeministren Kurti më i madhi i shqiptarisë.
Musliu në emision “Frontal”, në T7 tha se njerëzit e tillë nuk i duhen afër kryeministrit.
“Qeverisja nuk do të thotë që ty ta jep primatin me u sjell si baba i dikujt, qeverisja është përgjegjësi dhe ti duhesh me kompetencë e përgjegjësi me qeverisë. Gabimi tek ne është që e shohim kryeministrin si Zot. Nuk don koment kjo. Ata kështu e kanë portretizuar liderin e partisë së tyre dhe ky lloj i komunikimit dhe servilizmit ka me e marr në qafë Albin Kurtin. Ia kam thënë në Kuvend. Njerëzit e tillë kanë me marrë në qafë duke i thënë mirë e ki. Nuk e ka mirë. Unë me qenë në vend të tij, njerëzit e tillë sa më larg i kisha majtë. Njerëzit e tillë të marrin në qafë”, ka thënë ajo.
Më tutje, Musliu tha se kjo deklaratë e Bashës tregon se Kurti ka shumë deficite.
“Dikur fillon edhe ai të besojë që është më i madhi i shqiptarisë duke i thënë vartësitë e tij, ose ndonjë servil që e ka brenda partisë. Është e tmerrshme kjo. Nuk i vyejnë servilët afër liderit. Një burrështetas nuk ka nevojë për komente të tillë. Kjo tregon që ka shumë deficite dhe prandaj ka nevojë për Dimalin”, deklaroi ajo.
