PARIS, 5 mars /ATSH-DPA/- Franca ka rënë dakord të mbështesë nismën çeke për të blerë rreth 800 000 predha artilerie për Ukrainën, tha presidenti francez, Emmanuel Macron pas një takimi sot me homologun e tij çek, Petr Pavel në Pragë.
“Projekti është shumë i dobishëm dhe Franca do të marrë pjesë në të”, tha Macron. Ministrave nga të dy vendet tani u kërkohet të sugjerojnë mënyra për ta zbatuar atë.
“Nisma përfshin kërkimin e municioneve kudo që është në dispozicion”, tha Macron.
Projekti mund të financohet në mënyrë dypalëshe ose përmes Fondit Evropian të Paqes, këtë të fundit Franca e ka refuzuar më parë.
Objekti Evropian i Paqes është një instrument financimi i BE-së që u krijua para fillimit të luftës në Ukrainë për të ofruar mbështetje ushtarake për vendet partnere.
Holanda, Belgjika, Kanadaja, Danimarka dhe Lituania janë ndër vendet që kanë premtuar tashmë fonde për nismën çeke.
Ukraina është ankuar prej muajsh për një mungesë në rritje të municioneve në luftën e saj kundër pushtimit rus. //a.i/
