Shqipëria në Europian. I duhej një pikë, dhe në Kishinau ndaj Moldavisë, dhe kështu ndodhi, falë barazimit me rezultatin 1-1 kuqezinjtë siguruan matematikisht për të dytën herë në historinë e saj pjesëmarrjen në finalet e një kampionati europian. Kuqezinjtë rezervojnë kështu vendin e tyre në mesin e kombëtareve pjesëmarrëse në Gjermani verën e vitit 2024.
Miliona shqiptarë nga anë e mbanë botës, festuan këtë kualifikim, teksa nuk mund të mungonte edhe Armando Broja, i cili menjëherë pas përfundimit të ndeshje, ka postuar një “Story”, ku shkruhej “Jemi në EURO 2024”.
