KIEV, 2 korrik /ATSH-DPA/ – Ukraina ka akuzuar ushtrinë ruse për hedhjen e bombave me fosfor në Ishullin e Gjarpërinjve, menjëherë pasi u tërhoq nga baza strategjike e rëndësishme e Detit të Zi.
”Dy lloje avionësh luftarakë tip Su-30 hodhën bomba fosfori”, tha komandanti i përgjithshëm i ushtrisë ukrainase, Valeriy Zaluzhnyi në Telegram duke postuar një video të bombardimit si provë.
“E vetmja gjë në të cilën armiku është i qëndrueshëm është saktësia e pandryshueshme”, theksoi ai me ironi duke iu referuar objektivave në dukje të humbura.
Ushtria ruse tërhoqi forcat e saj nga ishulli të enjten, në atë që Moska e përshkroi si një “gjest vullneti të mirë”.
Megjithatë, Kievi e përshkroi tërheqjen ruse nga ishulli, i cili u kap në ditën e dytë të luftës, si një fitore të Ukrainës.
Ishulli i Gjarpërinjve shtrihet në brigjet e Ukrainës, rreth 35 kilometra larg deltës së Danubit dhe ishte një zonë e kufizuar ushtarake si një postë kufitare ukrainase përpara fillimit të luftës./ a.jor.
