HELSINKI, 4 prill /ATSH-DPA/- Kufiri i Finlandës me Rusinë do të mbetet i mbyllur për një kohë të pacaktuar, njoftoi sot qeveria e vendit.
Në shkurt Helsinki urdhëroi mbylljen e kufirit deri më 14 prill, masë e cila tani është shtyrë deri në një njoftim të dytë.
Mbyllja e pacaktuar do të thotë se migrantët ende nuk do të mund të aplikojnë për azil në pikat kufitare.
Finlanda kërkon të parandalojë kërcënimin e migrimit të synuar nga Rusia në pranverë duke mbyllur portet për transportin detar.
Finlanda, e cila kufizohet me Rusinë në lindje në një distancë prej më shumë se 1300 kilometrash, filloi të mbyllte gradualisht pikat kufitare në nëntor.
Autoritetet finlandeze akuzojnë Moskën për dërgimin e qëllimshëm të azilkërkuesve pa dokumente për të shkaktuar probleme për vendin e BE-së dhe NATO-s. Kremlini e ka hedhur poshtë këtë pretendim. //a.i/