Nga paraardhësit e saj në postin që e trashëgoi para nëntë muajsh, Florentina Osmanit, nuk iu bartën veç punët, por me gjasë edhe fati i tyre.
Si tre tjerët që shërbyen para saj për më shumë se dy vjet të qeverisjes së Vetëvendosjes, dy prej të cilëve u shkarkuan e një u dorëhoq, as kjo drejtoreshë e Inspektoratit në Komunën e Podujevës, nuk arriti ta çoi në fund mandatin.
Ajo u lirua nga detyra me kërkesë të saj, njofton Shqip.
Aryse për largimin e katërt nga ky dikaster, komuna përmendi angazhimet e tjera profesionale të Osmanit, por shoqëria civile në Llap beson se në këto ndryshime po ndikon kryetari, Shpejtim Bulliqi, që sipas tyre po tenton të kontrollojë veprimet e drejtorëve.
Kjo u mohua nga qeverisja lokale, që për dorëheqjen e fundit përmend edhe rrënimet e ndërtimeve pa leje në Orllan, që besohet se u bënë sebep të shkarkohej ish-drejtori, Besnik Mulliqi.
*Klikoni KËTU për t’u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.