Kreu i KQZ-së, Ilirjan Celibashi ka reaguar se i përket financimit rus të PD-së, në periudhën kur partia drejtohej nga ish-kreu Lulzim Basha.
Celibashi u shpreh se çështja po adresohet nga prokuroria dhe përbën shkelje të rëndë të ligjit.
“Ka parashikime në Kodin Penal dhe zgjedhor për të ndaluar financimet ruse, janë çështje që po adreson nga organi i Prokurorisë. Përbën shkelje të rëndë të ligjit, të cilat klasifikohen si vepra penal dhe do të duhet të trajtohen nga organet përkatëse Prokuroria dhe Gjykata”, tha ai në një deklaratë për gazetarët.
