Siç e kërkon tradita, Papa Françesku udhëhoqi ceremoninë për Ditën Botërore të Paqes të Kishës Katolike Romake të dielën, por fillimi i vitit të ri në Vatikan u mbulua nga hija e vdekjes së paraardhësit të tij, Benediktit.
Ati i shenjtë kryesoi një meshë në bazilikën e Shën Pjetrit, ndërsa trupi i Benediktit, i cili vdiq të shtunën në moshën 95-vjeçare, po përgatitet për një ceremoni publike 3 ditore.
Në përputhje me dëshirën e ish-papës, varrimi i tij të enjten do të jetë i thjeshtë, solemn dhe i matur. Do të jetë hera e parë në shumë shekuj që një papë i ulur do të kryesojë funeralin e paraardhësit të tij. Benedikti, i cili dha dorëheqjen në vitin 2013, ishte papa i parë në 600 vjet që dha dorëheqjen.
Në fjalimin e tij Papa Francesku bëri thirrje për paqe, duke përmendur vendet e shkatërruara nga lufta, përfshirë Ukrainën.
“T’i lutemi Nënës sonë në mënyrë të veçantë për djemtë dhe vajzat e saj që po vuajnë dhe nuk kanë më forcë të luten dhe për vëllezërit dhe motrat tona që janë viktima të luftës, duke kaluar këto festa në errësirë dhe të ftohtë, në varfëri dhe frikë, në dhunë dhe indiferencë”, tha ai.
Ati i shenjtë u kërkoi gjithashtu dëgjuesve të tij që të punonin në mënyrë aktive për paqen dhe të mos “shpërdorin kohën përpara ekranit të kompjuterit”.
I munduar nga dhimbja e gjurit, papa 86 vjeç, të dielën mbërriti në bazilikë në një karrige me rrota, përpara se të zinte vendin e tij në një karrige për meshën.
Top Channel
