Atlético e Madridit po tregon një formë të shkëlqyer në LaLiga që pas Kupës së Botës në Katar.
Drejtuesit e “Los Colchoneros” tashmë kanë në kokë edhe planifikimin e grupit të lojtarëve në dispozicion të Diego Simeones për sezonin e ardhshëm.
Prioritet për Atleticon do të jetë përforcimi i pjesës së pasme të ekipit. Synohet qendërmbrortësin turk, Çaglar Soyuncu, i cili do t’i japë fund kontratës me Leicesterin. Gjithashtu vëmendja është përqendruar në afrimin e dy anësorëve.
Nuk është parashikuar kthimi i portugezit Joao Felix nga huazimi (Chelsea), përkundrazi, do të kërkohet që të shitet në Londër a diku tjetër për të arkëtuar sa më shumë para.
Synimi është të arkëtohen 100 milionë nga shitja e kartonit të Felix, për t’i investuar më pas në merkaton në hyrje.
Top Channel
