Zbritja e pikëve të Evertonit për shkeljen e rregullave të përfitimit dhe qëndrueshmërisë në Premier Ligë është ulur nga 10 pikë në gjashtë pas një apeli.
“Toffees” apeluan vendimin që i goditi ata me një zbritje në nëntor për shkeljen e PSR në periudhën trevjeçare deri në 2021/22.
Klubi tani do të kalojë në 25 pikë, gjë që i ngre ata në vendin e 15-të nga vendi i 17-të dhe pesë pikë mbi zonën e rënies.
“Një bord i pavarur apeli ka arritur në përfundimin se sanksioni për shkeljen nga Everton FC të rregullave të përfitimit dhe qëndrueshmërisë së Premier Ligës (PSR), për periudhën që përfundon sezonin 2021/22, do të jetë një zbritje e menjëhershme prej gjashtë pikësh ,” thuhej në një deklaratë të Premier Ligës, përcjellë KosovaPress.
.“Kjo vjen pas apelimit të klubit ndaj vendimit të një komisioni të pavarur në nëntor 2023 për të vendosur një zbritje prej 10 pikësh për shkeljen e PSR-ve nga klubi. Apeli u dëgjua gjatë tre ditëve në fillim të këtij muaji, nga një bord apeli i përbërë nga Sir Gary Hickinbottom (kryetar), Daniel Alexander KC dhe Katherine Apps KC”.
Me këtë ndryshim, Evertoni tani pozicionohet në vendin e 15 me 25 pikë.
