Federata e Futbollit e Kosovës vazhdon të ndajë çmimin “YLLI I JAVËS”, për lojtarin më të mirë të xhiros.
“YLLI I JAVËS” për xhiron e 11-të në Superligën e Kosovës është shpallur futbollisti Ermal Krasniqi i Ballkanit.
23-vjeçari i portokallezinjve nga Suhareka, Ermal Krasniqi, dha kontribut të madh në triumfin e skuadrës së tij ndaj kampionit në fuqi, Prishtina, me një gol dhe një asistim.
Për sulmuesin e Ballkanit, i cili po kalon formë të jashtëzakonshme, kjo është hera e dytë që shpallet “Ylli i Javës” në këtë edicion, pasi këtë çmim e kishte fituar edhe në xhiron e dytë.
Çmimin “Ylli i javës” për sulmuesin e Ballkanit e ndanë Fisnik Morina, menaxher i degës së BKT në Fushë Kosovë dhe Festa Hajdari, Retail Senior Specialiste në degën e BKT në Gjilan. /insporti.com/
