Analistët thonë se paratë evropiane nuk po përdoren për objektivin e caktuar por po mbajnë në këmbë liderët autokratikë që kufizojnë të drejtat e qytetarëve të tyre.
Pakti i emigracionit i korrikut mes Bashkimit Evropian dhe Tunizisë po vihet nën kritika në Bruksel teksa zyra e Avokati të Popullit të BE po monitoron të drejtat e të prekurve nga marrëveshja, e cila nuk ka ndaluar vërshimin e emigrantëve drejt Evropës dhe ka krijuar një situatë dramatike në ishullin italian të Lampedusa.
Sipas marrëveshjes, BE i jep Tunizisë 100 milion euro për të luftuar emigracionin e jashtëligjshëm, por paratë duket se kanë shkuar vetëm në forcimin e liderëve autoritarë të Afrikës së Veriut që shtypin të drejtat e qytetarëve të tyre me pretekstin e kufizimit te emigracionit, shkruan rrjeti i Katarit, Al Jaseera.
This was the Italian island of Lampedusa yesterday.
By last night, 100 boats full of illegal immigrants had landed.
The situation is completely out of control. pic.twitter.com/C6l8hcARDB
— UK Justice Forum 🇬🇧 Latest Video News Updates! (@Justice_forum) September 13, 2023
“Shikoni faktet,” thotë analistja tuniziane Amine Ghali, duke shtuar se njerëzit në rajon janë në gjendjen më të keqe të 20 viteve të fundit pasi qeveritë e tyre nuk kanë kontribuar fare për përmirësimin e gjendjes ekonomike apo shoqërore.
Grupi i të drejtave Human Rights Watch thotë se në Egjipt reformat e kërkuara nga FMN për kredinë e radhës kanë shkaktuar dhunë, tortura dhe zhdukje personash nga autoritetet atje.
E njëjta situatë është në Algjeri e Marok ku grupet e aktivistëve thonë se mbrojtësit e të drejtave janë gjithnjë nën presion të autoriteteve që burgosin kritikët.
Në Algjeri, vend i pasur me burime energjitike, BE dhe Italia kanë bërë një sy qorr për kërkesat e demonstruesve pro-demokraci, shumë prej të cilave janë tashmë të burgosur.
Top Channel
