Egjiptianët iu drejtuan kutive të votimit të dielën për të zgjedhur presidentin e ri, i cili me shumë mundësi do të jetë ai aktual, Abdel Fattah al-Sisi, që do të fitojë një mandat të tretë.
Në një vend të mbërthyer nga kriza më e rëndë financiare në historinë e tij, ku inflacioni ka lëvizur afër 40 përqind, pasi monedha vendase humbi gjysmën e vlerës dhe rriti koston e importeve, ekonomia është në qendër të shqetësimeve të egjiptianëve, raporton AFP.
Edhe para krizës aktuale, rreth dy të tretat e afro 106 milionë banorëve të vendit jetonin në ose nën kufirin e varfërisë. Votimi do të zhvillohet çdo ditë deri të martën, midis orës 9:00 dhe 21:00, ndërsa rezultati zyrtar do të shpallet me 18 dhjetor.
Rreth 67 milionë njerëz kanë të drejtë të votojnë, pesë milionë prej të cilëve kishin hedhur votat e tyre deri në orën 16:30 të dielën, sipas një deklarate nga Autoriteti Kombëtar i Zgjedhjeve.
Top Channel
