Efi, Kiara dhe Luizi vijojnë të mbeten miq shumë të mirë me njëri-tjetrin, pavarësisht debateve të forta që patën disa ditë më parë. Treshja u sqaruan me njëri-tjetrin brenda shtëpisë, ndërsa gjërat e tjera kanë vendosur t’i diskutojnë kur të dalin jashtë.
E brenda shtëpisë, ata i gjenden pranë njëri-tjetrit për çdo gjë. Kështu, Efi gjatë spektaklit të kaluar eshtë përballur me një incident. Banorja ka patur një problem me aksesorët e saj për të cilin ka kërkuar ndihmë nga Kiara, por ndihmën e parë e ka marrë nga Luizi.
Ky i fundit është angazhuar deri në fund që Efi të dukej perfekt në detaje. Momente këto të vogla, por që tregojnë mjaft për marrëdhënien mjaft të përfolur e plot tensione ms Efit e Luizit. Dyshes i është bashkuar më pas edhe Kiara, e cila e ka ndihmuar Efin të rregullojë varësen.
Kujtojmë që Efi dhe Kiara ishin në nominim së bashku me Bledin dhe Ronaldon, teksa nga shtëpia doli pikërisht ky i fundit, si më pak i preferuari nga publiku.
