Kanë përfunduar ndeshjet e ditës së sotme në Superligën e Kosovës.
Skuadra e Llapit është ndalur nga Gjilani, me ndeshjen që përfundoi me shifrat 1 me 1, shkruan GazetaBlic Sport.
Jarovic realizoi për skuadrën e drejtuar nga Mezani, kurse Hyseni barazoi shifrat dhe i dha një pikë skuadrës së tij.
Ballkani e ka shfrytëzuar maksimalisht barazimin e Llapit, duke triumfuar ndaj Malishevës me rezultat 0 me 2 dhe duke rritur epërsinë në 4 pikë me Llapin e vendit të dytë.
Fitore siguroi edhe skuadra e Dritës duke mposhtur Prishtinën me shifrat 1 me 2. Drita vazhdon të jetë në garë për titullin kampion, duke u renditur në vendin e tretë me 65 pikë, aq sa ka edhe Llapi i vendit të dytë.
Fitore shumë të rëndësishme në garën për mbijetesë siguroi edhe Feronikeli ’74, atje ku në Drenas e mposhti Lirinë me shifrat 4 me 1.
Ndeshja tjetër e cila është duke u zhvilluar është ajo mes Fushë Kosovës dhe Dukagjinit, atje ku pas pjesës së parë, rezultati është 0 me 2.
/GazetaBlic Sport/
