Është filmuar momenti i frikshëm kur një aeroplan pasagjerësh me 179 persona në bord bëri një ulje të frikshme në një pistë me baltë e akull në Lituani.
Videoja mahnitëse tregon Airbus A320 masiv duke rrëshqitur dhe kërcyer në pistë pas uljes në aeroportin e Vilniusit të shtunën, më 3 shkurt, pas një udhëtimi dy-orësh nga qyteti italian i Bergamos.
Avioni, në pronësi të kompanisë lituaneze Avio Express, po përpiqej dëshpërimisht të stabilizohej pasi një shpërthim balte dhe uji goditi avionin, duke i detyruar dhe zogjtë të fluturonin larg.
Duke reaguar me shpejtësi, piloti hero i aeroplanit arriti ta largojë në mënyrë të sigurt avionin nga pista në zonën e sigurisë ku të gjithë pasagjerët dhe gjashtë anëtarët e ekuipazhit mundën të zbarkonin pa raportuar ndonjë lëndim, shkruan Daily Mail.
Trupi i poshtëm i avionit u dëmtua, raportuan mediat italiane dhe incidenti detyroi aeroportin të ndalonte të gjitha fluturimet hyrëse dhe dalëse për rreth dy orë e gjysmë të shtunën përpara se të rihapte për trafikun ajror. /tesheshi.com/
An Avion Express A320-200 landing at Vilnius Airport briefly skidded off the runway, onto the grass and mud, before safely returning to the runway to continue its dirty taxi to the apron.
📹 Unkown/DM for credit#builtairbustough #AvionExpress #avion #a320 #airbus pic.twitter.com/JQPF9iCZLs
— A Fly Guy’s Crew Lounge (@AFlyGuyTravels) February 4, 2024
