Dita e pestë e protestës në Leposaviq ka vazhduar të jetë e qetë edhe sot.
Edhe sot protestuesit nga orët e hershme të mëngjesit kanë qëndruar para objektit të komunës, ku po kërkojnë përmbushjen e kërkesave të tyre pas zgjedhjes së kryetarëve të rinj në veri.
Protestuesit po vazhdojnë të kërkojnë që kryetari i komunës së Leposaviqit, Lulëzim Hetemi bashkë me Policinë e Kosovës të largohen nga objekti i komunës.
Ajo çfarë e ka karakterizuar ditën e sotme ishte sjellja e një dhie nga ana e protestuesve që në trupin e saj e kishte shkruar mbiemrin e kryetarit të Leposaviqit.
E, udhëheqësi i protestuesit po i udhëheq ish-kryetari i kësaj komune, Zoran Todiq, i cili tha se ata po e shfrytëzojnë të drejtën e tyre dhe nuk do të zmbrapsen deri në arritjen e qëllimeve të tyre.
Todiq tha se serbët nuk i kanë sulmuar mediat por nervozizmi i protestuesve ishte se nuk kanë dashur që të xhirohen fshehurazi.
Rrini të informuar mbi zhvillimet kryesore duke u bërë pjesë e komunitetit tonë në Viber.
