Deri më 17 gusht Maqedonia dhe Bullgaria duhet të shpallin se për çfarë kanë rënë dakord historianët nga komisioni i përbashkët

by admin
Spread the love

Më 17 gusht, shtetet e Maqedonisë dhe Bullgarisë duhet të publikojnë në ueb-faqet e tyre rekomandimet tashmë të dakorduara nga puna e Komisionit të Përbashkët Ekspert Multidisiplinar për Çështje Historike dhe Arsimore. Kështu shkruhet në Protokollin dypalësh, të cilin ministrat e Punëve të Jashtme të Maqedonisë dhe Bullgarisë, Bujar Osmani dhe Teodora Gençovska, e nënshkruan më 17 korrik në Sofje, transmeton InfoShqip.

Në Protokoll, në rubrikën “Lënda e historisë” shkruhet se “të dy qeveritë duhet të publikojnë brenda një muaji të gjitha rekomandimet e miratuara tashmë nga puna e mëparshme e Komisionit të Përbashkët Multidisiplinar të Ekspertëve për Çështjet Historike dhe Arsimore”.

Ilija Dimovski nga VMRO-DPMNE thotë se “me nënshkrimin e Protokollit në bazë të nenit 12 të Marrëveshjes për miqësi, fqinjësi të mirë dhe bashkëpunim, Republika e Maqedonisë ndërmerr para Bullgarisë (dhe fatkeqësisht edhe para Bashkimit Evropian) një sërë obligimesh që janë të paarsyeshme dhe janë përtej praktikës së mëparshme të anëtarësimit të anëtarëve të BE-së, por edhe shkojnë përtej marrëveshjes në aspektin e përmbajtjes, qëllimeve, afateve dhe çështjes.

Unë jam shumë i interesuar se si një komision i caktuar politikisht do ta përshtatë dhe ndryshojë të vërtetën historike që na kanë mësuar brez pas brezi. Por edhe qëndrimi i komisionit të emëruar politikisht do të jetë tentativë për shkatërrimin e mijëra vëllimeve të botimeve profesionale, simpoziumeve dhe librave që shkenca jonë dhe ajo botërore i ka krijuar në më shumë se 7 dekadat e kaluara”, ka shkruar ish-deputeti Dimovski. profilin e tij në Facebook.

Publikimi i Protokollit shkaktoi reagime të furishme në opinionin maqedonas. Historianë, politikanë, profesorë, gjuhëtarë besojnë se nënshkrimi i këtij dokumenti nga pala maqedonase do të thotë disfatë për diplomacinë maqedonase dhe fyerje e rëndë për interesat dhe identitetin maqedonas./InfoShqip.com

Lexo lajme interesante

You may also like