Arsenal-Bayern Munich mund të humbasë një nga protagonistët kryesorë.
Harry Kane, i cili mungoi në ndeshjen e Anglisë ndaj Brazilit, do të rikthehet në Gjermani për shkak të një dëmtimi në kyçin e këmbës.
Trajneri i Anglisë, Southgate e konfirmoi këtë lajm në konferencën për shtyp: “Harry Kane nuk do të jetë në gjendje të luajë të martën, kështu që do të kthehet në klubin e tij”.
Sipas raportimeve të medieve britanike, në një situatë të tillë, sulmuesi dyshohet se nuk do të jetë në gjendje të luajë jo vetëm ndaj Borussia Dortmund të shtunën e ndaj Heidenheim më pas, por edhe në sfidën e Champions League ndaj Arsenal-it.
