Ish-portieri i Juventusit dhe i Italisë, Xhanluixhi Bufon në një intervistë për “La Gazzetta dello Sport”, komentoi zgjedhjen e Romës për t’ia besuar stolin e skuadrës Daniele De Rosit.
“A mund të ketë ndikuar historia e tij në zgjedhjen e klubit kur hoqi Murinjon? Po. Daniele nuk do të vuajë atë lloj konfrontimi. Si lojtar ka magjepsur me personalitetin e tij. Dhe jam i bindur se mund të bëjë shumë mirë edhe si trajner. Unë shoh vetëm aspekte pozitive. E njoh entuziazmin e tij, thellësinë e tij njerëzore. Ai do të jetë në gjendje të përfshijë të gjithë lojtarët, duke i bërë ata të rreshtohen në të njëjtin drejtim dhe pse jo duke ofruar futboll që i argëton dhe është më në përputhje me cilësitë e tyre. Kontrata është e shkurtër, por klubi do të duhet ta vlerësojë me qetësi punën e tij pavarësisht nga rezultatet. Rruga që do të marrë De Rosi është më e rëndësishmja, besoj se do të jetë e virtytshme”, përfundoi Bufon.
PANORAMASPORT.AL
