“De Zerbi për mua është një model, por ne jemi Roma dhe duhet të tregojmë se sa vlejmë ndaj një kundërshtari që dhuron futboll të nivelit të lartë.”
Me këto fjalë Daniele de Rosi prezantoi sfidën e sotme kundër Brajtonit të drejtuar nga një teknik italian të cilin Pep Guardiola e cilëson si pasardhësin e tij. Lidhur me ndeshjen e “Olpimico”-s, trajneri verdhekuq shtoi: “Duhet të detyrojmë rivalët që të mbyllen e të kemi një qarkullim të mirë të topit. Herët a vonë nëj hapësirë për të goditur do ta gjejmë.”
Brajtoni do të zbarkojë për herë të parë në historinë e tij në Romë i ndjekur nga mbi 4 mijë tifozë. Lidhur me sfidën e sotme në ora 18:45, trajneri i anglezëve deklaroi: “Ecuria jonë në këtë sezon ka pasur disa ulje-ngritje më tepër se sa kishim menduar. Liga e Europës është një mundësi për t’i rritur vlerën punës tonë dhe në Romë shkojmë për një rezultat pozitiv.”
PANORAMASPORT.AL
