Shtetet e Bashkuara nuk e fshehin pakënaqësinë nga vendimi i Kosovës për targat, të kthyer në një ngërç të madh jo vetëm mes Prishtinës e Beogradit, por edhe mes saj e ndërkombëtarëve.
Zëdhënësi i Departamentit amerikan të Shtetit, Ned Price doli hapur me ankesën se SHBA-ja dhe komuniteti ndërkombëtar i kërkoi Kosovës shtyrje me 10 muaj të zbatimit të vendimit për konvertimin e targave të makinave dhe nuk prisnin vetëm një shtyrje të pjesshme.
“Ne kemi qenë të qartë, publikisht dhe privatisht, se komuniteti ndërkombëtar, përfshirë Shtetet e Bashkuara kërkon një shtyrje të plotë të zbatimit të këtyre çështjeve. Ne nuk kërkojmë një shtyrje të pjesshme, nuk kërkojmë zbatim në faza. Komuniteti ndërkombëtar i ka kërkuar qeverisë së Kosovës një shtyrje të plotë.”– tha Ned Price.
Nga sot, ka nisur faza e parë e zbatimit të vendimit, që përfshin të ashtëquajturin qortim për pronarët e makinave me targa serbe. Faza e dytë parashikon gjobë prej 150 eurosh për drejtuesit e automjeteve me targa të tilla; ajo nis nga 21 nëntori e zgjat deri më 21 janar. Më tej do të përdoren targat e provës dhe pas 21 prillit, në Kosovë nuk do të mund të qarkullohet më me targa të tilla. Price e theksoi se Shtetet e Bashkuara janë “të zhgënjyera” dhe e “të shqetësuara” që qeveria e Kosovës refuzoi kërkesën dhe këshillën e partnerëve të saj më të ngushtë sa i përket zbatimit të vendimit. Përfaqësuesit politik të serbëve kanë paralajmëruar rezistencë ndaj gjobave të mundshme pas 21 nëntorit. Ndërsa partitë opozitare në Kosovë kritikuan qeverinë e vendit për dëmtimin e interesave strategjike të vendit duke mos përfillur kërkesat e aleatëve në një periudhë kur janë shtuar përpjekjet për të çuar përpara procesin e normalizimit të marrëdhënieve ndërmjet të dyja vendeve.
Top Channel
//Google Analytics window.dataLayer = window.dataLayer || [];
function gtag() { dataLayer.push(arguments); } gtag('js', new Date());
gtag('config', 'UA-7855069-1');
//Facebook window.fbAsyncInit = function() { FB.init({ appId: '1715618661991455', xfbml: true, version: 'v2.10' }); FB.AppEvents.logPageView(); };
(function(d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
