ATHINË, 5 prill /ATSH-ANA/- Greqia ka konfirmuar 18 425 infeksione të reja me koronavirus në 24 orët e fundit, deklaroi Organizata Kombëtare e Shëndetit Publik (EODY).
Që nga fillimi i pandemisë, Greqia ka konfirmuar 3 096 135 infeksione. Në rastet e konfirmuara të 7 ditëve të fundit, 101 infeksione lidhen me udhëtime nga jashtë dhe 1 537 raste të brendshme.
Gjithashtu, 62 vdekje u regjistruan në 24 orët e fundit, duke e çuar numrin total të viktimave të pandemisë në 27 746. Nga këto, 95.4% kishin sëmundje të tjera ose ishin mbi 70 vjeç.
Gjithashtu, 348 pacientë Covid-19 janë shtruar në spital në 24 orët e fundit. Mesatarja e shtrimit në spital të pacientëve me Covid-19 në 7 ditët e fundit ishte 439 persona. /os/