BRUKSEL, 15 shtator /ATSH-DPA/ – Komisioni Evropian miratoi sot vaksinën shtesë të përshtatur kundër Covid-19 për t’iu përgjigjur nënvariantit Omicron XBB.1.5.
“Vaksina e përshtatur me Spikevax XBB.1.5 e prodhuar nga kompania “Moderna” u autorizua në kohë për fushatat e vaksinimit sezonal, në vendet anëtare të Bashkimit Evropian”, thuhet në një njoftim për shtyp.
“Autoritetet shëndetësore të BE-së rekomandojnë të rriturit dhe fëmijët nga 5 vjeç që kërkojnë vaksinim, të kryejnë një dozë të vetme, pavarësisht nga historia e tyre e vaksinimit”, tha komisioni.
“Miratimi vjen pas një vlerësimi të rreptë të vaksinës nën mekanizmin e vlerësimit të përshpejtuar nga Agjencia Evropiane e Barnave”, thuhet në deklaratë.
Një version i përditësuar i vaksinës kundër Covid-19, i prodhuar nga “BioNTech-Pfizer” është miratuar gjithashtu së fundmi. //a.i/
